ಬದುಕು ಕ್ಷಣಿಕ… ಸಮಾಜಸೇವೆ ಚಿರಸ್ಥಾಯಿ!
ಬಾಚಳ್ಳಿ ಪ್ರತಾಪ್ ಗೌಡರಿಗೆ ಭಾವಪೂರ್ಣ ಶ್ರದ್ಧಾಂಜಲಿ
ಸಕಲೇಶಪುರದ ಗ್ರಾಮೀಣ ಪರಿಸರದಲ್ಲಿ ಬದುಕು ಆರಂಭಿಸಿ, ತಮ್ಮ ಪರಿಶ್ರಮದಿಂದ ಬೆಂಗಳೂರಿನಲ್ಲಿ ಯಶಸ್ವಿ ಉದ್ಯಮಿಯಾಗಿ ಬೆಳೆದ ಬಾಚಳ್ಳಿ ಪ್ರತಾಪ್ ಗೌಡರು, ಹುಟ್ಟೂರಿನ ಮೇಲಿನ ಅಭಿಮಾನ ಹಾಗೂ ಸಮಾಜಸೇವೆಯ ಬದ್ಧತೆಯನ್ನು ಎಂದಿಗೂ ಮರೆಯದ ಅಪರೂಪದ ವ್ಯಕ್ತಿತ್ವ.
ಸಕಲೇಶಪುರದಲ್ಲಿ ನಾಡಪ್ರಭು ಕೆಂಪೇಗೌಡರ ಪ್ರತಿಮೆ ಸ್ಥಾಪನೆಗೆ ಮುಂಚೂಣಿಯಲ್ಲಿ ನಿಂತು ಶ್ರಮಿಸಿದ ಅವರು, ಸಮುದಾಯದ ಒಗ್ಗಟ್ಟಿಗೆ ಕಾರಣರಾದರು. ದೇವಾಲಯಗಳ ಅಭಿವೃದ್ಧಿ, ಬಡವರಿಗೆ ನೆರವು, ವಿದ್ಯಾರ್ಥಿಗಳ ಶಿಕ್ಷಣಕ್ಕೆ ಪ್ರೋತ್ಸಾಹ ಸೇರಿದಂತೆ ಅನೇಕ ಸಮಾಜಮುಖಿ ಕಾರ್ಯಗಳ ಮೂಲಕ ತಾಲೂಕು ಹಾಗೂ ಜಿಲ್ಲೆಯ ಜನರ ಪ್ರೀತಿಗೆ ಪಾತ್ರರಾಗಿದ್ದರು. ಪ್ರವಾಸಪ್ರಿಯರಾಗಿದ್ದ ಅವರು ಬದುಕನ್ನು ಸಂಭ್ರಮಿಸುತ್ತಲೇ ಇತರರ ಬದುಕಿಗೂ ಆಸರೆಯಾಗಿದ್ದರು.
ಹೆಲಿಕಾಪ್ಟರ್ ದುರಂತದಲ್ಲಿ ಅವರ ಅಕಾಲಿಕ ನಿಧನ ಸಕಲೇಶಪುರದ ಜನತೆಗೆ ತುಂಬಲಾರದ ನಷ್ಟ. ಅವರ ಸಮಾಜಸೇವೆ, ಉದಾರ ಮನಸ್ಸು ಹಾಗೂ ಜನಪರ ಕಾರ್ಯಗಳು ಸದಾ ಸ್ಮರಣೀಯ.
ಮನುಷ್ಯನ ಬದುಕು ಕ್ಷಣಿಕ, ಆದರೆ ಆತ ಮಾಡಿದ ಸೇವೆ ಚಿರಸ್ಥಾಯಿ.
ಅಗಲಿದ ಅವರ ಆತ್ಮಕ್ಕೆ ಚಿರಶಾಂತಿ ದೊರೆಯಲಿ. ಕುಟುಂಬದವರಿಗೆ ದುಃಖ ಭರಿಸುವ ಶಕ್ತಿಯನ್ನು ಭಗವಂತ ಕರುಣಿಸಲಿ.
ಭಾವಪೂರ್ಣ ಶ್ರದ್ಧಾಂಜಲಿ. ಓಂ ಶಾಂತಿ.
