ಮನೆ ಮನೆ ಕವಿಗೋಷ್ಠಿ ನೂತನ ಸಂಚಾಲಕಿಯಾಗಿ ಕಾಮಾಕ್ಷಿ ಬಿ. ಕೃಷ್ಣಮೂರ್ತಿ ಆಯ್ಕೆ
ಹಾಸನ: ಮನೆ ಮನೆ ಕವಿಗೋಷ್ಠಿಯ ನೂತನ ಸಂಚಾಲಕಿಯಾಗಿ ಕವಯಿತ್ರಿ ಹಾಗೂ ಸಂಘಟಕಿ ಕಾಮಾಕ್ಷಿ ಬಿ. ಕೃಷ್ಣಮೂರ್ತಿ ಅವರನ್ನು ಅವಿರೋಧವಾಗಿ ಆಯ್ಕೆ ಮಾಡಲಾಗಿದೆ.
ಈ ಹಿಂದೆ ಸಂಚಾಲಕರಾಗಿದ್ದವರ ಕಾಲಾವಧಿ ಪೂರ್ಣಗೊಂಡ ಹಿನ್ನೆಲೆಯಲ್ಲಿ ನೂತನ ಸಂಚಾಲಕರ ಆಯ್ಕೆ ಪ್ರಕ್ರಿಯೆ ನಡೆಯಿತು. ಸಭೆಯಲ್ಲಿ ಭಾಗವಹಿಸಿದ್ದ ಸದಸ್ಯರ ಸಮ್ಮುಖದಲ್ಲಿ ಕಾಮಾಕ್ಷಿ ಬಿ. ಕೃಷ್ಣಮೂರ್ತಿ ಅವರ ಹೆಸರನ್ನು ಪ್ರಸ್ತಾಪಿಸಲಾಗಿದ್ದು, ಎಲ್ಲರ ಸರ್ವಾನುಮತದ ಒಪ್ಪಿಗೆಯೊಂದಿಗೆ ಅವರನ್ನು ಅವಿರೋಧವಾಗಿ ಆಯ್ಕೆ ಮಾಡಲಾಯಿತು.
ಸಾಹಿತ್ಯ ಕ್ಷೇತ್ರದಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಕಾಮಾಕ್ಷಿ ಬಿ. ಕೃಷ್ಣಮೂರ್ತಿ ಅವರು ಕವಯಿತ್ರಿಯಾಗಿ ಹಾಗೂ ವಿವಿಧ ಸಾಹಿತ್ಯ ಕಾರ್ಯಕ್ರಮಗಳ ಸಂಘಟಕಿಯಾಗಿ ಗುರುತಿಸಿಕೊಂಡಿದ್ದಾರೆ. ಮನೆ ಮನೆ ಕವಿಗೋಷ್ಠಿಯ ಮೂಲಕ ಜಿಲ್ಲೆಯ ಕವಿ-ಸಾಹಿತಿಗಳನ್ನು ಒಗ್ಗೂಡಿಸಿ, ಕನ್ನಡ ಸಾಹಿತ್ಯ ಚಟುವಟಿಕೆಗಳಿಗೆ ಮತ್ತಷ್ಟು ಉತ್ತೇಜನ ನೀಡುವ ಜವಾಬ್ದಾರಿ ಅವರ ಮೇಲಿದೆ.
ನೂತನ ಸಂಚಾಲಕಿಯಾಗಿ ಆಯ್ಕೆಯಾದ ಕಾಮಾಕ್ಷಿ ಬಿ. ಕೃಷ್ಣಮೂರ್ತಿ ಅವರಿಗೆ ಪದಾಧಿಕಾರಿಗಳು, ಸದಸ್ಯರು ಹಾಗೂ ಸಾಹಿತ್ಯಾಸಕ್ತರು ಅಭಿನಂದನೆ ಸಲ್ಲಿಸಿದ್ದಾರೆ.
ಮನೆ ಮನೆಯಲ್ಲಿ ಕವಿ ಗೋಷ್ಠಿ
